රාජපක්ෂලා රටේ දේපොළ පිටරටවල් වලට වික්ක හැටි මෙන්න (Video)

“මම සැප විඳලා ආවේ නෑ..ගිය ආණ්ඩුව කාලේ කළා නම් ආගිය අතක් නෑ..උපරිම ක්‍රියාමාර්ග ගන්නවා “- ජනපති වර්ජනය ගැන තදින් කතා කළ වීඩියෝව

පසුගිය රජය සමයේ වැඩවර්ජන දියත් කළා නම් හෝ  රජයට එරෙහිව කටයුතු කළා නම් ඒවා මෙහෙය වූ වෘත්තීය සමිති නායකයෝ ආගිය අතක් සොයා ගැනීමට නොලැබෙන  ජනාධිපති මෛත්‍රීපාල සිරිසේන මහතා පවසනවා.

තෙල් සංස්ථා සේවකයන් සුළු පිරිසක් හම්බන්තොට වරාය ගිවිසුම පිළිබඳව අනවබෝධයෙන් කටයුතු කරමින් සිටිය ද අපේ රටේ බිම් අඟලක්වත් විදේශිකයන්ට සින්නක්කරව පවරා නොදෙන බවයි ජනාධිපතිවරයා ඊයේ (26) කුඹල්අංග හමීදියා මුස්ලිම් පාසලේ විවෘත කිරීමේ උත්සවයකට එක්වෙමින් කියා සිටියේ.

රජය විසින් අත්‍යවශ්‍ය සේවාවක් ලෙස ඛනිජ තෙල් බෙදා හැරීම ප්‍රකාශයට පත්කර ඇති අවස්ථාවක වර්ජනයෙහි යෙදී රැකියා අහිමි කර නොගෙන සේවයට වාර්තා කරන ලෙස තමන් ඉල්ලා සිටින බවත් ඔහු එහිදී සඳහන් කළා.

අනවබෝධයෙන් කටයුතු කරන සුළු පිරිසක් නිසා රටේ බහුතර ජනතාව පීඩාවට පත්කිරීමට ඉඩ නොතබන බව පැවසූ ජනපතිවරයා  ඒ සඳහා ගතහැකි උපරිම ක්‍රියාමාර්ග ගැනීමට රජය කිසිසේතම් පසුබට නොවන බවද අවධාරණය කර සිටියා.

රාජපක්ෂලා රටේ දේපොළ පිටරටවල් වලට වික්ක හැටි ඇතුළත් වීඩියෝව පහතින් දැක්වෙනවා.

 

 

 

ජනතාව විසින් බලයෙන් පහ කළ පිරිස නැවත බලයට ඒමට සිහින දකිමින් විවිධ ක‍්‍රමන්ත‍්‍රණ දියත් කළද වත්මන් රජය පෙරළා දැමීමට කිසිවෙකුට නොහැකි බව ජනාධිපතිතුමා පවසයි. ආණ්ඩුක‍්‍රම ව්‍යවස්ථාව සහ නීතිය අනුව රජයේ කටයුතු ඉදිරියට කරගෙන යන අතර දීර්ඝකාලීන දේශපාලන අත්දැකීම් සමග රටේ සුබසිද්ධිය සදහා යන ගමන නවතා දැමීමට කිසිවෙකුට නොහැකි බව ද ජනාධිපතිතුමා අවධාරණය කළේය.

ජනාධිපති ගරු මෛතී‍්‍රපාල සිරිසේන මැතිතුමා මේ බව ප‍්‍රකාශ කළේ ඊයේ (26) පස්වරුවේ ඉබ්බාගමුව, කුඹල්අංග හමීදියා මුස්ලිම් විද්‍යාලයේ ඉගෙනුම් සම්පත් මධ්‍යස්ථානය විවෘත කිරීමෙන් අනතුරව පැවති ජන හමුව අමතමිනි.

තෙල් සංස්ථාවේ සේවකයින්ගේ වර්ජනය පිළිබදව ද මෙහිදී අදහස් දැක්වූ ජනාධිපතිතුමා ප‍්‍රකාශ කළේ ඒ හේතුවෙන් රටේ පොදු ජනතාව දැඞී අසීරුතාවයකට පත්ව ඇති බවයි. ඕනෑම ගැටලූවක් සාකච්ඡුා මාර්ගයෙන් විසදා ගැනීමට අවස්ථාව පවතින බවත් වැඩවර්ජන නතර කර වහාම සේවයට වාර්තා කරන ලෙස තමා ඔවුන්ගෙන් ඉල්ලා සිටින බවත් පැවසූ ජනාධිපතිතුමා වෛද්‍යවරුන්ට ද අද වැඩ වර්ජන කි‍්‍රඩාවක් බවට පත්ව ඇති අතර එහිදී මිනිස් ජීවිතවලට කිසිදු වටිනාකමක් හිමි නොවීම කණගාටුවට කරුණක් බව ද සදහන් කළේය.

හම්බන්තොට වරාය පිළිබද රජය චීන සමාගමක් සමග ඇති කර ගැනීමට යෝජිත ගිවිසුම පිළිබද තිබෙන්නේ ඉතා වැරදි අවබෝධයක් බව සදහන් කළ ජනාධිපතිතුමා රටේ භූමියෙන් බිම් අගලක්වත් ලෝකයේ කිසිදු රටකට හෝ සමාගමකට ඔප්පුවකින් හෝ සින්නක්කරව පවරා දීමට තමා ඉඩ නොතබන බව ද අවධාරණය කළේය.

ඉතිහාසයේ කිසිදු පාලකයෙකු සිදු නොකළ අයුරින් රටේ භූමිය වෙනත් රටවලට පවරා දුන්නේ පසුගිය පාලන සමය තුළ බව පැවසූ ජනාධිපතිතුමා කොළඹ පෝට්සිටි ව්‍යාපෘතිය සදහා අක්කර 200 ක් සින්නක්කරව චීන සමාගමකට පවරාදී තිබූ අතර එම තත්ත්වය වෙනස්කර එය බදු ක‍්‍රමයකට පත්කරන ලද්දේ වත්මන් රජය බව ද පැවසීය. එදා කිසිවෙකු මේ සදහා වර්ජන සහ උද්ඝෝෂණවල නිරත නොවූ අතර අද ඒ සියලූදෙනාට නිදහස ලැබී තිබෙන්නේ වත්මන් රජය යටතේ බව පැවසූ ජනාධිපතිතුමා එසේ නමුත් සුළු පිරිසකගේ කටයුතු හේතුවෙන් අති බහුතර ජනතාවක් පීඩාවට පත් කිරීමට ඉඩ දිය නොහැකි බව ද අවධාරණය කළේය.

පාර්ලිමේන්තු මැතිවරණය පවත්වා වසර දෙකක් සපිරෙන ලබන මාසයේදී රජය ඉදිරි වසර කිහිපය තුළ ජනතාව වෙනුවෙන් ලබාදීමට නියමිත සුබසාධන කටයුතු රැසක් පිළිබද ප‍්‍රකාශයක් නිකුත් කිරීමට බලාපොරොත්තුවන බවද ජනාධිපතිතුමා මෙහිදී සදහන් කළේය.

මේ අතර හිරියාල, මිගහඇළ ප‍්‍රාථමික විද්‍යාලයේ ඉදිකළ ඉගෙනුම් සම්පත් මධ්‍යස්ථානය ද අද පස්වරුවේ විවෘත කෙරුණේ ජනාධිපතිතුමා අතිනි. තිත්තවැල්ල ප‍්‍රාථමික විද්‍යාලයේ ඉගෙනුම් සම්පත් මධ්‍යස්ථානය විවෘත කිරීමේ උත්සවය ද අද පස්වරුවේ ජනාධිපතිතුමාගේ ප‍්‍රධානත්වයෙන් පැවැත්විණි.

මෙම කටයුතු නිමවා කොළඹ බලා පැමිණෙන අතරතුර ඉබ්බාගමුව මධ්‍ය විද්‍යාලයේ සංවර්ධන කටයුතු සොයා බැලීමට ද එක් වූ ජනාධිපතිතුමා විදුහල්පතිනිය සමග කෙටි කථා බහක නිරතවෙමින් එම සංවර්ධන කටයුතුවල ප‍්‍රගතිය විමසා බැලීය.

අමාත්‍ය අනුර පි‍්‍රයදර්ශන යාපා, වයඹ පළාත් ආණ්ඩුකාර අමරා පියසීලි රත්නායක, ප‍්‍රධාන අමාත්‍ය ධර්මසිරි දසනායක, නියෝජ්‍ය අමාත්‍ය ඉන්දික බණ්ඩාරනායක, හිටපු නියෝජ්‍ය අමාත්‍ය ශාන්ත බණ්ඩාර, වයඹ පළාත් අධ්‍යාපන අමාත්‍ය සන්ධ්‍යා කුමාර රාජපක්ෂ, වයඹ පළාත් සභා මන්තී‍්‍ර කමල් ඉන්දික, කුරුණෑගල ශී‍්‍ර ලංකා නිදහස් පක්ෂ සංවිධායක එම්.එස්.එම්. ෆාහීම් යන මහත්ම මහත්මීන් ඇතුළු පිරිසක් මෙම අවස්ථාවන්ට එක්ව සිටියහ.

LEAVE A REPLY

Please enter your comment!
Please enter your name here