රණවිරුවන්ට උපහාර පුදන “ජාතික රණවිරු සැමරුම් උළෙල” ජනපති ප්‍රධානත්වයෙන්!

ජාතික රණවිරු දින සැමරුම් උත්සවය ජනාධිපති සේනාධිනායක මෛත්‍රීපාල සිරිසේන මහතාගේ ප්‍රධානත්වයෙන් එළැඹෙන 19 වැනි දා බත්තරමුල්ල රණවිරු ස්මාරකය අභියස දී පැවැත්වෙන ආරක්ෂක අමාත්‍යංශය නිවේදනය කර සිටියා.

එම අවස්ථාවට අග්‍රමාත්‍ය රනිල් වික්‍රමසිංහ මහතා, ත්‍රිවිධ හමුදාපතිවරු, පොලිස්පති, අමාත්‍යවරු ඇතුළු පිරිසක් සහභාගිවීමට නියමිත අතර “විරුසරු මිතුරු” නිවාස ව්‍යාපෘතිය මගින් රණවිරුවන් වෙත නිවාස ලබාදීමද එදින ජනාධිපති මන්දිරයේදී සිදු කිරීමට කටයුතු යොදා තිබෙනවා.

නිදහස් චතුරස්‍රය අභියසදී දී සංස්කෘතික උත්සවය පැවැත්වෙන බවත් විශාල වශයෙන් එම උත්සව වෙනුවෙන් මුදල් වැය නොකරන අතර එම මුදල් රණවිරු සුබසාධනය සඳහා යොදවනු ලබන බවයි වාර්තා වන්නේ

ත්‍රිවිධ හමුදාව, පොලිසිය සහ සිවිල් ආරක්ෂක දෙපාර්තමේන්තු රණවිරුවන් කළ කැපවිම් සිහිකරනු වස් ‘ජාතික රණවිරු මාසය – 2017’ ප‍්‍රකාශයට පත් කරමින් එහි පළමු සමරු කොඩිය රණවිරු සේවා අධිකාරියේ සභාපතිනි අනෝමා ෆොන්සේකා මහත්මිය විසින් අතිගරු ජනාධිපති මෛත්‍රීපාල සිරිසේන මැතිතුමා වෙත පැළඳවීමද පසුගිය 04 වන දින පෙරවරුවේ ජනාධිපති කාර්යාලයේ දී සිදු කෙරිනි.

 

LEAVE A REPLY

Please enter your comment!
Please enter your name here