” මම අර්ජුන ඇලෝසියස් අදුරන්නෙත් නෑ , හමුවෙලත් නෑ ” බැඳුම්කර කොමිසමේ රහස් වාර්තාවේ නම කියවුනු ඇමතිගෙන් අලුත් කතාවක් .!

මහා බැංකු මූල්‍ය වංචාව පිළිබදව පරීක්ෂණ සිදු කරන බැඳුම්කර කොමිසම ඊයේ දිනට (16) රැස්වූ අවස්තාවේ හෙළිදරවූ වූ කරුණු කිහිපයක් කතාබහට ලක්ව තිබෙනවා. එනම් ආන්දෝලනාත්මක පර්පචුවල් ටෙ‍්‍රෂරීස් සමාගමේ හිමිකරු වන අර්ජුන් ඇලෝසියස් සමග , දූෂණ වංචා පිළිබද පරීක්ෂණ කිරීමට පිහිටුවා ඇති පාර්ලීමේන්තු කෝප් කමිටුවේ සාමාජිකයින් පස් දෙනෙකුම දුරකතන සංවාද පවත්වා තිබෙන බවයි.

කෝප් කමිටු සමාජිකයන් වන අමාත්‍ය දයාසිරි ජයසේකර, රාජ්‍ය අමාත්‍ය සුජීව සේනසිංහ, නියෝජ්‍ය අමාත්‍ය අජිත් පී පෙරේරා මෙන්ම පාර්ලිමේන්තු මන්ත‍්‍රීවරුන් වන හෙක්ටර් අප්පුහාමි සහ හර්ෂණ රාජකරුණා වන පාර්ලීමේන්තු මන්ත්‍රීවරුන් පස් දෙනා මෙලෙසට අර්ජුන් ඇලෝෂියස් සමග දුරකතන සංවාද පවත්වා තිබුනා.

ඔවුන් සහ ඇලෝසියස් අතර මෙම දුරකථන සංවාද ඇති වී තිබුණේ මතභේදාත්මක බැඳුම්කර ගනුදෙනුව පිලිබඳ විමර්ශනය කරන සමයේ බවද බැදුම්කර කොමිසමේදී හෙළිදරවු වී තිබුනා.

කෝප් කමිටුව විසින් බැඳුම්කර ගනුදෙනුව පිළිබඳ විමර්ශන කරන අතරතුර අර්ජුන් ඇලෝසියස් සහ අමාත්‍ය දයාසිරි ජයසේකර අතර ඇති වී තිබෙන දුරකතන සංචාද ගණන දෙකක්. එක්සත් ජාතික පක්ෂ පාර්ලිමේන්තු මන්ත‍්‍රී හෙක්ටර් අප්පුහාමි සහ අර්ජුන් ඇලෝසියස් දුරකතනයෙන් සම්බන්ධ වී ඇති අවස්ථා ගණන 23ක්.

රාජ්‍ය අමාත්‍ය සුජීව සේනසිංහ හා අර්ජුන් ඇලෝසියස් අතර සිදුව ඇතැයි කියන දුරකතන සංවාද ගණන 62ක්. නියෝජ්‍ය අමාත්‍ය අජිත් පී පෙරේරා හා අර්ජුන් ඇලෝසියස් අවස්ථා 02ක දී දුරකතනයෙන් සම්බන්ධ වී තිබෙනවා. තවත් කෝප් කමිටු සාමාජිකයෙකු වන එක්සත් ජාතික පක්ෂ පාර්ලිමේන්තු මන්ත‍්‍රී හර්ෂණ රාජකරුණා අර්ජුන් ඇලෝසියස් සමග අවස්ථා 23ක දී දුරකතනයෙන් සම්බන්ධ වී ඇති බවයි අදාළ වාර්තාවෙන් ප‍්‍රකාශ කෙරුණේ.

කෙසේ වෙතත් බැඳුම්කර කොමිසමට , දුරකථන සන්නිවේදන සමාගම් හරහා තොරතුරු ලබාගෙන අපරාධ පරීක්ෂණ දෙපාර්තමේන්තුව මෙම වාර්තාව ඉදිරිපත් කිරීමෙන් පසු නියෝජ්‍ය අමාත්‍ය අජිත් පී පෙරෙරා සිය ෆේස්බුක් ගිණුමේ අපූරු සටහනක් තබා තිබෙනවා.

එනම් ” අර්ජුන ඇලෝසියස් මා කිසිසේත්ම නොහදුනන තැනත්තෙකි.කිසිදිනෙක හමුවි නැත . කතා කර නැත. කොමිසමෙහි සාක්ෂි විස්තර ලබුනපසු වැඩිදුර පිලිතුරැ⁣” ලෙසය.

නියෝජ්‍ය අමාත්‍යවරයා මේ පිළිබදව තැබු සටහන පහතින්,

LEAVE A REPLY

Please enter your comment!
Please enter your name here