බෞද්ධාගම සම්බන්ධයෙන් රජයට විරුද්ධව ගෙන යන සියලූ ප‍්‍රචාරයන් තමා දැඩිව ප‍්‍රතික්ෂේප කරන බව ජනපති පවසයි.

ආණ්ඩුක‍්‍රම ව්‍යවස්ථාවේ බෞද්ධාගමට හිමි ස්ථානය එලෙසින්ම ආරක්ෂා කරමින් අනෙකුත් ආගම් සදහා ද සාධාරණත්වය ඉටු කිරීම රජයේ වැඩපිළිවෙළ බව පැවසූ ජනාධිපතිතුමා සම්බුද්ධ ශාසනයේ ආරක්ෂාව මෙන්ම සුරක්ෂිතතාවය පිළිබදව ආණ්ඩුක‍්‍රම ව්‍යවස්ථාව අනුවම රජයේ වගකීම් ඉටු කිරීමට කැපවී සිටින බව අවධාරණය කළේය.

ජනාධිපති ගරු මෛතී‍්‍රපාල සිරිසේන මැතිතුමා මේ බව අවධාරණය කළේ අද (10) පෙරවරුවේ බත්තරමුල්ල, අපේගම පරිශ‍්‍රයේ පැවති රණවිරු නිවාස හා ඉඩම් හිමිකම් පත‍්‍ර ප‍්‍රදානය කිරීමේ උත්සවය අමතමිනි.

ජාත්‍යන්තර වෙසක් දින සැමරුම් උළෙල ද මෙවර ශී‍්‍ර ලංකාවේදී උත්කර්ෂවත් අන්දමින් පවත්වන්නේ බෞද්ධ දර්ශනය පිළිබද උතුම් පණිවිඩය ලොව පුරා ගෙන යාමේ අරමුණින් බව ද ජනාධිපතිතුමා මෙහිදී පැවසීය.

වීරෝදාර රණවිරුවන් රට සහ ජාතිය වෙනුවෙන් ඉටුකළ මෙහෙවර මේ රටේ ජනතාවට කිසිදිනක අමතක කළ නොහැකි බව මෙහිදී පැවසූ ජනාධිපතිතුමා ඔවුන් වෙනුවෙන් දැනට ලබාදෙන වරප‍්‍රසාද තවදුරටත් ඉහළ නංවමින් ඔවුන්ගේ සුබසාධනය සදහා ඉටුකළ යුතු යුතුකම් ඉටු කිරීමට ඉදිරියේදී ද රජය වගකීමෙන් කටයුතු කරන බව ප‍්‍රකාශ කළේය.

තමන් ජනාධිපති ධූරයට පත්වීමෙන් පසු රණවිරු සුබසාධනය සදහා ගෙන ගිය වැඩපිළිවෙළ තවදුරටත් ශක්තිමත් කරමින් ඔවුන්ගේ සුබසාධනය සදහා ව්‍යාපෘති රැුසක් කි‍්‍රයාවට නංවා තිබෙන බව ද ජනාධිපතිතුමා සිහිපත් කළේය.

‘අපි වෙනුවෙන් අපි’ රණවිරු නිවාස වැඩසටහන යටතේ රණවිරු නිවාස 90 ක් බෙදා දීමට අදාළ හිමිකම් පත‍්‍ර පිළිගැන්වීම මෙහිදි ජනාධිපතිතුමා අතින් සිදු විය.
‘සත්විරු සංහිද’ ව්‍යාපෘතිය යටතේ අර්ධ නිවාස ස`දහා රුපියල් හත්ලක්ෂ පනස්දාහස බැගින් රණවිරුවන් 503 දෙනෙකු වෙත මුදල් ප‍්‍රදානය කිරීම ද සිදු කෙරිණි.
රණවිරුවන් ස`දහා ඉඩම් හිමිකම් පත‍්‍ර 65 ක් බෙදාදීම, විරු සිසු ප‍්‍රදීප ශිෂ්‍යත්ව පිරිනැමීම ආදි වැඩසටහන් රැුසක් ද මෙහිදී කි‍්‍රයාත්මක කෙරිණි.

ආරක්ෂක රාජ්‍ය අමාත්‍ය රුවන් විජේවර්ධන, ආරක්ෂක අමාත්‍යාංශයේ ලේකම් කරුණසේන හෙට්ටිආරච්චි යන මහත්වරුන් ද ආරක්ෂක මාණ්ඩලික ප‍්‍රධානී ඇතුළු ති‍්‍රවිධ හමුදාපතිවරුන්, පොලිස්පති, සිවිල් ආරක්ෂක බලකායේ අධ්‍යක්ෂ ජනරාල් ඇතුළු ආරක්ෂක අංශ ප‍්‍රධානීන් මෙම අවස්ථාවට එක්ව සිටියහ.

LEAVE A REPLY

Please enter your comment!
Please enter your name here