බන්ධනාගාරයේ රැඳවියන් ඝාතනය ගැන පස් වසරකට පසු රහස් පොලිස් පරීක්ෂණ

පස් වසරකට ඉහතදී වැලිකඩ බන්ධනාගාරයේ රැඳවියන් පිරිසක් විසි හත් දෙනෙකු ඝාතනය කිරිමේ සිදුවීම සම්බන්ධයෙන් අපරාධ පරීක්ෂණ දෙපාර්තමේන්තුව විසින් පරීක්ෂණයක් ආරම්භ කල බව පොලිසිය පවසයි.

පොලිස්පති පූජිත ජයසුන්දර උපදෙස් පරිදි මෙම පරීක්ෂණය ආරම්භ කර ඇති බවයි පොලිස් මාධ්‍ය ප්‍රකාශක කාර්යාලය පවසන්නේ.

2012 වසරේ නොවැම්බර් මාසයේදී වැලිකඩ බන්ධනාගාරය තුළ පොලිස් විශේෂ කාර්ය බලකාය විසින් සිදුකළ හදිසි මෙහෙයුමක් අතරවාරයේ රැඳවියන් සමඟ ගැටුමක් නිර්මාණය වූ අතර එයින් රැඳවියන් 27 දෙනෙකු ඝාතනයට ලක්විය.

මෙම සිදුවීම හුදෙක් අහඹු සිදුවීමක් ලෙස එවක වාර්තාවූ නමුදු ඝාතනයට ලක්වූයේ ලැයිස්තු අනුව සොයා ගිය පුද්ගලයින් බව මෙන්ම එය සංවිධානාත්මකව සිදුකළ ඝාතනයක් බවටත් චෝදනා එල්ල විය.

වැලිකඩ බන්ධනාගාරයේ හටගත් ගැටුමක දී සිරකරුවන් විසිහත් දෙනෙකු මරණයට පත්වීමේ සිද්ධිය පිළිබඳව පරීක්ෂණයක් පවත්වන ලෙස ඉල්ලමින් සිද්ධිය ඇසින් දුටු එම අවස්ථාවේ රැඳවියකුව සිටි සුදේශ් නන්දිමාල් ද සිල්වා රහස් පොලිසියට පැමිණිල්ලක් ඉදිරිපත් කර තිබේ.

බන්ධනාගාර කැරැල්ල මැඩ පැවැත්වීමේ මුවාවෙන් තමන්ට අවශ්‍ය වූ රැඳවියන් පමණක් තෝරා ගෙන මරා දැමූ බවට රජයේ ආරක්ෂක අංශවලට චෝදනා කළ හෙතෙම මේ පිළිබඳව සාධාරණ පරීක්ෂණයක් පැවැත්වීම අවශ්‍ය බවත්, ඇතැම් මාධ්‍ය විසින් මෙම ඝාතන සාධාරණීකරණය කිරීමට උත්සාහ කරන බවටත් චෝදනා කරයි.

 

අභියාචනාධිකරණයට පෙත්සම්ක්

මේ සම්බන්ධව විධිමත් පරික්ෂණයක් ආරම්භ කරන ලෙසට රිට් ආඥාවක් නිකුත් කරන ලෙස ඉල්ලා සුදේශ් නන්දිමාල් විසින් අභියාචනාධිකරණයට පෙත්සම්ක්ද ගොණ් කර ඇත.

එම පෙත්සමේ වගඋත්තරකරුවන් වශයෙන් බන්ධනාගාර කොමසාරිස් ජනරාල් , රහස් පොලීසි අධ්‍යක්ෂක , පොලිස්පති ,බන්ධනාගාර ප්‍රතිසංස්කරණ ,පුනුරුත්ථාපන ,නැවත පදිංචි කිරීමේ හා හින්දු ආගමික කටයුතු පිලිබඳ අමාත්‍ය ඩී.එම්.ස්වාමිනාදන් සහ නීතිපතිවරයා නම් කරනු ලැබ ඇති බවයි ඔහු කියා සිටියේ.

බන්ධනාගාරයේ රැඳවියන් ඝාතන සිද්ධිය සම්බන්ධව ප්‍රකාශයක් ලබා ගැනීම සදහා තමන්ට 14 සිකුරාදා දිනයේ අපරාධ පරීක්ෂණ දෙපාර්තමේන්තුවට පැමිණෙන ලෙස ද දැනුම් දී ඇති බව සුදේශ් නන්දිමාල් පවසයි.

LEAVE A REPLY

Please enter your comment!
Please enter your name here